Water

Elke mens het die reg op water, dis waar, maar so ook elke plant en dier.  Wat gaan ons doen as daar nie meer is nie…

Nood wys elke mens se denke, ons is so vinnig om goed te eien en op ons regte te staan.  Fokus op myself en my gesin.    So bang dat iemand anders dalk so biedjie meer kry as wat ek kry.  As die krane leeg is is dit leeg.. die realiteit gaan dan inskop.. en spyt gaan dan te laat wees. 

Ons is bevoorreg, het ‘n gryswater stelsel asook boorgat water.  So op die stadium het ons te veel water vir ons gebruik.  Dit gee my nie die reg om te mors nie.

Dit is tyd om diep binne mens se siel te kyk en op ons knieë weer te gaan en ons Vader te vra vir genade.  Ons Vader is ‘n Pa wat se hart vol liefde is vir ons. 

Bid saam met my:
​
Ons hemelse Pa,
Sien ons nood raak,
Maak die sluise van die hemel oop en bring lafenis vir dier, plant en mens
Weet ons is dankbaar om te glo aan ‘n Pa wat vir ons omgee, wat ons beskerm.
Mag U genade groot wees vir ons al verdien ek dit nie!
Baie dankie dat ek weet U is lief vir my!
Amen