Wat maak jou beter as ek…

My pad kruis soms mense wat gebore is met ‘n “van” wat bekend is en of stink ryk van ou-geld.  ‘n Siel in die familie het jare terug baie geld gemaak, hetsy dit deur geluk of harde werk.  Deur die geslagte het die geld en of  roem vir die familie ‘n seker status gebring.

Is jy deel van die familie wat die voorreg dra met eerbied en respek vir ander?  Staan jy jou skoene vol?  Bree bors.  Trots op jou nalatenskap.. maar nederig.

Of is jy deel van die families wat dink dat julle status en of julle geld julle regverdig  om op ander neer te kyk?  Wie dink jy is die belangrikste?  Ek of jy?  Moet iemand belangriker wees?  Hoor jy as ander met jou praat?  Luister jy na jouself as jy met iemand praat?  Luister jy na ander se denke, se kennis of is jy so verwaand dat jy dink jy is altyd reg?   Het jy respek vir almal om jou?  Sien jy op ander neer?  Wat gaan jou nalatenskap wees.. een van ‘n tereur bestaan.  Praat mense agter jou rug, hoor jy die spot, die minag in ander se woorde, hulle kyk? 

Meneer… Mevrou… ou-geld maak jou nie slimmer nie… dit maak jou ook nie beter as ander nie.  Jy kry wel kanse wat ander nie het nie.  Gryp dit aan met albei hande maar bly op jou knië en dank jou Skepper daarvoor.
​
As jou sin moet begin met: Maar onthou.. EK is ‘n “VAN’ dan is jou voete nie groot genoeg om jou voorvader se skoene te vul nie.