Rondomtalie

Suid-Afrika is ‘n oop land, ‘n mooi land met baie geure, kleure en gemoede.  Ek wonder of ek besef hoe moeilik dit is om miljoene te verstaan en gelukkig te hou. Ek wat ook so maklik mense kritiseer op my persepsie.  Ons in ons klein gemeenskap sukkel om respek en liefde vir mekaar te gee.  

My tyd is gesteel deur lang eposte wat iemand se optredes probeer regverdig.  Boodskappe om laaste sê te laat geld alhoewel die persoon uitstorm uit vergaderings.  Ek is keelvol vir afguns en sal ek dit roep rasisme.  Die atmosfeer dik en onplesierig.  Ek is net bly dat gesonde verstand tog gewen het in die onplesierige geveg.  Dankbaar vir mense wat daaraan werk om wat stukkend is weer heel te maak.

Ek persoonlik het ‘n paar lesse geleer, die grootste is maar dat my velkleur en my taal my nie dieselfde maak as wat jy is nie al word ons albei wit Afrikaners genoem.  Ek verskil van jou want my siel, my waarheid, my verstand en my hart verskil van jou.   Hoe ek dinge beleef en sien en hanteer maak my ek.  Ek hoef nie van jou te hou nie.. maar ek verwag dat ons in respek sal saamleef.. dat ons met integriteit mekaar sal verdra.
​
My woorde is my woorde en my gevoel.  Jou woorde is jou woorde en jou gevoel.  Mag ons in harmoenie verskil.