My ‘avatar’

Ek lees die week ‘n blog van ‘n medeblogger, lekker gegiggel.. maar ek sien die kras woorde, geleende woorde en die tong in die kies humor en dan vang my oog die antwoord….

My blog naam is vervelig.  Die gewilde bloggers het almal ‘n avatar.. ‘n lekker onthou naam.  Nou hardloop my gedagtes teen ‘n spoed.   Waarvoor staan my blogs.  Kan ek Hannelie van Niekerk na iets verander wat onthou kan word maar tog pas?  Dit moet lesers trek en nie verjaag nie.  Ek het nou ‘n kans om dalk my blog naam te verander.. skuilnaam te kry.. dit kan mens dalk ‘n bietjie meer Vryheid gee oor waaroor mens skryf. 

Die gewilde name as ek nou begin navorsing doen het ‘n kragwoord in, is snaaks… my humor is nie altyd dieselfde as die volgende ou sin nie.. so mens moet maar versigtig trap.

Eers het ek myself wys gemaak dat blogging my eie ding is.. dit is lekker om te skryf.. om gedagtes op papier neer te sit.  Ek het geglo dat dit nie saak maak of daar een of twintig mense is wat my blog lees nie.. maar dit is nie eintlik waar nie.  Ek wil graag hê dat meer mense my geskryf geniet.

Hou maar dop… dalk net dalk kry ek ‘n lekker blogger naam wat die verbeelding van meer lesers sal trek.