Lewe is gekompliseerd.  Ek maak besluite wat baie mense kan beinvloed elke dag.  My besluit om misluk te wees maak die atmosfeer in ons huis ongemaklik vir almal.  My opinies kan ook ander verontwaardig.  As ek as mens braaf genoeg is om ‘n besluit te maak op my opinie moet ek weet wat die rippel effek gaan wees.

Opinies word geskape uit skindertonge, askies van ander en dan nog my eie denkwyse, wat ek glo.  Ek hoor gedeeltelik iemand anders se waarheid maar mense hou van drama.  So die storie se drama en effek moet so geskets word dat ek die middelpunt bly, ek moet ook die slagoffer bly al het die waarheid die storie se einde verander. 

My oordeel  gebaseer op my opinie kan dan my woorde hard maak en ‘n situasies skep wat mense seermaak of selfs beledig.  

My gedagtes is los, maar almal maak foute, ons almal hou nie altyd van almal se manier van dinge doen nie.  Soms net soms doen ek dan iets uit woede, groepsdruk.   Ek as mens het meer integriteit, ek is mans genoeg is om my skuld te vat, pa te staan daarvoor en dit reg te maak.  Onverskoning gaan vra en vergifnis te kry… Jammer dat die vergifnis nie die drama wegvat nie.  Jammer dat die storie se einde vergeet is om oor te dra. 

Ek maak elke dag besluite op alles wat ek hoor.   Mag ek die wysheid kry om nie mense te oordeel oor stories wat ek hoor nie. 

Vandag het mense en wat hulle dink reg is my weer tot stilstand geruk.  Die selfsug en die eie ek wat tog so belangrik is en so maklik die vinger wys na ander.  Die trane het sommer gevloei so moedeloos was ek.   Ek dink die hartseer het net meer geword toe ek besef dat ek die hele dag gemors het deur myself op te werk oor ander mense se aksies.  Dit het my so ontstel dat dit my denke oorgeneem het.  My menswees was beinvloed deur 2 mense se aksie.

Hoe beskerm ek myself in die toekoms.  My eerste woorde is NOOIT weer nie.  My woorde aan my kind is dat ek nooit weer my alles sal gee om ‘n vrot situasie te verander na ‘n lekker onthou nie.  Ek het sommer haar hartseer gemaak. 

Is jou mens wees so leeg dat jy net sit en wag tot alles klaar is en probeer iets wees, belangrik voel deur te kla?  Is jy so ‘n lafaard dat jy my nie eens kan vra nie? Nou is my ruggie krom getrek van kwaad.  My moermetertjie in die rooi.. my gewilligheid om weer te help nul.  Deur jou aksie beinvloed jy nou 12 ander… hoe selfsugtig is jy nie.

Ek sal seker weer goed word.  Ek sal volgende keer seker weer hals oor kop inspring en probeer goed uitsorteer… en ja ek sal jou weer die geleentheid seker gee om agteraf te kla..  Al wat ek kan doen is om nou al jammer te sê vir jou!  Nee wag… ek kry jou eintlik jammer.
.